خفة وشقاوة ولعب بالألفاظ، كبار وصغار أتجمعوا من قديم الزمان لرصد ما وراء الكلمات، لعل وعسى يمسك في أول الحبل ومنه يقدر يوصل لباقي الحل.
وفي 365Scores قررنا نعود بالزمان لـ” فوازير رمضان ” فقرة أتجمع حواليها جيل كامل، الكبير قبل الصغير حاول يفكر ويجيب لها حلول كتير.
نجومنا في كل فازورة من كل زمان ومكان، ممكن تدخل في حيرة كبيرة من كتر اللعب بالألفاظ، وكلمة واحدة بين السطور يمكن توصلك للحل وتكون زي الشطار.
فوازير رمضان 7 – نجمنا للمشاكل غاوي
نجمنا للمشاكل غاوي
ومش بيهمه لو اللي قدامه
كان ميسي أو حتى لاعب هاوي
ومن الفتح راح للزعيم
وقالك بس أنا دوري في النجومية جالي
لوكاكو مش هينفع تتخانق معاه بإيدك يا نجم
ده عايز دبابات وآلي
وكان أحد أبطال فوز مونديالي غالي
وفي كلاسيكو القرن غرس العلم لفوق في العالي
وضد رونالدو كسب تحدي تاني
إجابة الفازورة 7 – نجمنا هو علي البليهي
نجم فريق الهلال ومنتخب السعودية علي البليهي، هو نجم الفازورة السابعة من فوازير رمضان 2024.
ويعتبر البليهي واحد من نجوم الدفاع في الدوري السعودي.
واشتهر علي البليهي بمشكلاته الكثيرة مع اللاعبين الكبار في الملعب خلال المباريات.
واشتبك البليهي من قبل مع العديد من النجوم في المباريات زي كريستيانو رونالدو وليونيل ميسي.
