خفة وشقاوة ولعب بالألفاظ، كبار وصغار أتجمعوا من قديم الزمان لرصد ما وراء الكلمات، لعل وعسى يمسك في أول الحبل ومنه يقدر يوصل لباقي الحل.
وفي 365Scores قررنا نعود بالزمان لـ” فوازير رمضان ” فقرة أتجمع حواليها جيل كامل، الكبير قبل الصغير حاول يفكر ويجيب لها حلول كتير.
نجومنا في كل فازورة من كل زمان ومكان، ممكن تدخل في حيرة كبيرة من كتر اللعب بالألفاظ، وكلمة واحدة بين السطور يمكن توصلك للحل وتكون زي الشطار.
فوازير رمضان 4 – بيستفز خصومه بالدور
إزاي بطفل هتعوض أسطورة
مع نادي مبيرضاش غير بالبطولة
وهو صغير لبس رقم كبير
مع إن بدايته مكانتش مبشرة بالخير
بس الصبر دايما آخرته جبر
عشان يسجل هدف بطولة مشوارها كان صعب
ولو عايز المتعة متروحش السيرك
لاعبنا هيقدمها لك من وأنت في مكانك
أنا عندي حلم .. جميل
بس مينفعش يلهيك عن الحِمل التقيل
بيستفز خصومه بالدور
وبنختلف هو ظالم ولا مظلوم
والكل بيسأل امتى هياخد البالون دور؟
هل بعد لقب دولي ولا محلي
عشان نغنيله في النهاية
دول عايروني وقالولي يا أسمر اللون يا لاللي
صحيح أنا أسمر وكل البيض يحبوني يا لاللي
إجابة الفازورة 4 – نجمنا هو فينيسيوس جونيور
النجم البرازيلي فينيسيوس جونيور، نجم الفازورة الرابعة من فوازير رمضان 2024.
فقد جاء فينيسيوس إلى ريال مدريد لتعويض رحيل البرتغالي كريستيانو رونالدو.
حتى أن فينيسيوس قد ارتدى القميص رقم 7 وهو نفس قميص رونالدو مع الميرينجي.
وبداية النجم البرازيلي لم تكن مبشرة بالخير ولكن لم تيأس منه الجماهير ولا الإدارة ومنحوه الصبر والدعم.
وبالفعل بعد ذلك بمدة قصيرة توهج فينيسيوس بقوة كبيرة جدا وظهر بشكل مميز وأصبح أحد نجوم الفريق أن لم يكن ألمعهم في بعض الأحيان.
ولكن على الرغم من تألقه وتوهجه ولكنه كان لديه أزمات كثيرة داخل الملعب مع منافسيه وجماهير الفرق المنافسة.
واشتهر فينبسيوس باستفزاز خصومه دائما في المباريات سواء كانوا اللاعبين أو حتى مدربين الفريق الخصم.
