خفة وشقاوة ولعب بالألفاظ، كبار وصغار أتجمعوا من قديم الزمان لرصد ما وراء الكلمات، لعل وعسى يمسك في أول الحبل ومنه يقدر يوصل لباقي الحل.
وفي 365Scores قررنا نعود بالزمان لـ” فوازير رمضان ” فقرة أتجمع حواليها جيل كامل، الكبير قبل الصغير حاول يفكر ويجيب لها حلول كتير.
نجومنا في كل فازورة من كل زمان ومكان، ممكن تدخل في حيرة كبيرة من كتر اللعب بالألفاظ، وكلمة واحدة بين السطور يمكن توصلك للحل وتكون زي الشطار.
فوازير رمضان 20 – بقى من أساطير البريميرليج وهدافهم
تيجي معايا جولة لأوروبا؟
هنسافر إنجلترا.. إيطاليا.. وسويسرا
لكن مش رايحين نتفسح
هنسيب ذكرى كل ما الفرصة تسمح
مين الغريب دة اللي اقتحم ملاعبنا؟
وإزاي عرف يبقى قريب ويدخل قلوبنا
ارسموا صورته في كل مكان
علشان تقتدي بيه الأجيال
وغنّوا بإسمه في كل مناسبة
مِتطَرَّف وبيجري على الخط ولكن
متشاف أكتر من أي لاعب
ضيّع جول ؟ اتنين؟ أو عشرة؟
الكينج بيسجل أضعافهم فمش فارقة
تشوف مراوغاته هييجي في بالك تقول
أكيد كان بيلعب كورة في الحارة على طول
بقى من أساطير البريميرليج وهدافهم
والجماهيره بيغنو باسمه
بس مش عارفين هل هتبقى آخر محطة ليه
ولا القطر هيوصل لآسيا بيه
إجابة الفازورة 20 – نجمنا هو محمد صلاح
“الملك المصري” محمد صلاح هو نجم الفازورة الرابعة من فوازير رمضان 2024.
صلاح بدأ مسيرته في المقاولون العرب، ومنه بدأ رحلته إلى أوروبا طامحًا في كتابة المجد، فانتقل إلى سويسرا من بوابة بازل السويسري ومنه إلى تشيلسي ثم إعارة إلى فيورنتينا وروما، ثم انتقال إلى ذلك الأخير، قبل أن يذهب بعد ذلك إلى ليفربول، حيث كتب مجده بحروف من ذهب.
صلاح صار معشوقًا للعرب، رمزًا لهم، رمزًا للاعبين والرياضيين المسلمين، بتأثيره داخل الملعب وخارجه، بكل بساطة هو استثنائي بكل ما تحمله الكلمة من معنى، فمن اقترب لإنجازاته؟ وهو الذي نافس كريستيانو رونالدو وليونيل ميسي وإرلينج هالاند وكيليان مبابي وغيرهم من كبار الكرة العالمية.
“مو” أصبح من أساطير الدوري الإنجليزي وفي قائمة أكثر 10 لاعبين تسجيلًا للأهداف، هو معشوق الجماهير في ليفربول، وأصبحوا يرددون اسمه في أغاني مختلفة من تأليفهم منذ انتقاله للفريق.
صلاح كان قريبًا من الانتقال لـ اتحاد جدة صيف العام الماضي، وعقده الحالي مع ليفربول ينتهي الموسم المقبل، وفي ظل الاهتمام السعودي الكبير بضمه، فهل يطير الملك المصري إلى آسيا لإكمال رحلته؟
