خفة وشقاوة ولعب بالألفاظ، كبار وصغار أتجمعوا من قديم الزمان لرصد ما وراء الكلمات، لعل وعسى يمسك في أول الحبل ومنه يقدر يوصل لباقي الحل.
وفي 365Scores قررنا نعود بالزمان لـ” فوازير رمضان ” فقرة أتجمع حواليها جيل كامل، الكبير قبل الصغير حاول يفكر ويجيب لها حلول كتير.
نجومنا في كل فازورة من كل زمان ومكان، ممكن تدخل في حيرة كبيرة من كتر اللعب بالألفاظ، وكلمة واحدة بين السطور يمكن توصلك للحل وتكون زي الشطار.
فوازير رمضان 18 – في نابولي وصل لمرحلة القديسين
أسطورتنا لعيب تحبه
وللتانجو هو من أمهر الراقصين
والكورة لازقة في رجله
ومش هتعرف تاخدها منه
حتى لو قفلت عليه من الشمال أو اليمين
لعب في الدوري الإسباني بس مطولش هناك كتير
في نابولي وصل لمرحلة القديسين
ومع منتخب بلاده حقق الحلم الجميل
حتى لو كان عن طريق مشهد لعين
حبناه بشقاوته وجنانه
بس مكناش أبدًا نحب نشوفه في صفوف المدمنين
إجابة الفازورة 18 – الأسطورة مارادونا
الأسطورة مارادونا،هو نجم فازورة النهارده من فوازير رمضان 2024.
واحد من أمهر اللاعبين في تاريخ كرة القدم.
لعب في صفوف برشلونة قبل انتقاله إلى نابولي الذي أصبح فيه أسطورة النادي.
حقق لقب كأس العالم لمنتخب الأرجنتين عام 1986.
تم استبعاده من بطولة كأس العالم 1994 بسبب تعاطيه مادة منشطة وانهت المخدرات مسيرته الكروية.
