خفة وشقاوة ولعب بالألفاظ، كبار وصغار أتجمعوا من قديم الزمان لرصد ما وراء الكلمات، لعل وعسى يمسك في أول الحبل ومنه يقدر يوصل لباقي الحل.
وفي 365Scores قررنا نعود بالزمان لـ” فوازير رمضان ” فقرة أتجمع حواليها جيل كامل، الكبير قبل الصغير حاول يفكر ويجيب لها حلول كتير.
نجومنا في كل فازورة من كل زمان ومكان، ممكن تدخل في حيرة كبيرة من كتر اللعب بالألفاظ، وكلمة واحدة بين السطور يمكن توصلك للحل وتكون زي الشطار.
فوازير رمضان 14 – وشه طفولي ولعبه رجولي
هو صغير.. بس يحير
وشه طفولي.. ولعبه رجولي
عنده جرينتا تخليه مسيطر
حلوة جميلة.. بس حذاري كروتها كتيرة
وتخلي الصفحات تستلمك
شفتوا؟ بيضرب كل ما يلعب
خريج أقوى مدارس الكورة
حاجة كدة تطلع أسطورة
من صغره بدأها بجوايز
جولدن بوي ومش عاجبك؟ جايز
تبقى غريمي لو مش عاجبك
مبتمدحش عشان بينافسك
ماشي يا سيدي انت براحتك
بس العالم كله هيشهد
لما يجيب بطولات الكون
ويكون الفوز بيه مرهون
إجابة الفازورة 14 – نجمنا جافي
نجم فريق برشلونة ومنتخب إسبانيا جافي، هو نجم الفازورة الرابعة عشر من فوازير رمضان 2024.
بدأ جافي مسيرته في مرحلة الشباب في أكاديمية ريال بيتيس.
وانتقل جافي إلى أكاديمية برشلونة في 2015.
وظل جافي يتدرج في المراحل العمرية المختلفة مع برشلونة إلى أن صعد للفريق الأول في 2021.
وتألق جافي بشكل كبير جدا ولافت للأنظار مع برشلونة منذ صعوده للفريق الأول.
وتألقه هذا جعله يحجز مكانا أساسيا في منتخب إسبانيا.
بل وهذا التألق اللافت للأنظار ساهم في حصده جائزة “جولدن بوي” في 2022 وفي سن صغير جدا.
وعلى الرغم من كل هذا التألق والموهبة التي لا يستطع أحد إنكارها ولكن لا يحظى جافي بالإشادة الكافية على كل ما يقدمه.
