خفة وشقاوة ولعب بالألفاظ، كبار وصغار أتجمعوا من قديم الزمان لرصد ما وراء الكلمات، لعل وعسى يمسك في أول الحبل ومنه يقدر يوصل لباقي الحل.
وفي 365Scores قررنا نعود بالزمان لـ” فوازير رمضان ” فقرة أتجمع حواليها جيل كامل، الكبير قبل الصغير حاول يفكر ويجيب لها حلول كتير.
نجومنا في كل فازورة من كل زمان ومكان، ممكن تدخل في حيرة كبيرة من كتر اللعب بالألفاظ، وكلمة واحدة بين السطور يمكن توصلك للحل وتكون زي الشطار.
فوازير رمضان 12 – خليفة ميسي ولا رونالدو؟
من صغره لفت كل الأنظار
أرقام قياسية هنا وهناك
واثق من نفسه وعارف قيمته
دة خليفة ميسي ولا رونالدو؟
واحد منهم لعب جمبه
محقق كاس عالم .. يا سلام
بس لوحده مسيرتك فاشلة
فينك من الألقاب التانية؟
حرفنتك لوحدها مش كافية
اخرُج بقى برة الأنوار
هتحقق شهرة وألقاب
رئيس بلده اتدخل شخصيًا
قال مش هسيبه دة ثروة قومية
مادي شوية؟ شوية كتير
لكن يستاهل ما فرق الجودة كبير
واللي يقول غير كدة يستحمل
العرق الحامي هيتدخل
لكن شكله قرب يلين
وكلنا عارفين هيروح على فين
