خفة وشقاوة ولعب بالألفاظ، كبار وصغار أتجمعوا من قديم الزمان لرصد ما وراء الكلمات، لعل وعسى يمسك في أول الحبل ومنه يقدر يوصل لباقي الحل.
وفي 365Scores قررنا نعود بالزمان لـ” فوازير رمضان ” فقرة أتجمع حواليها جيل كامل، الكبير قبل الصغير حاول يفكر ويجيب لها حلول كتير.
نجومنا في كل فازورة من كل زمان ومكان، ممكن تدخل في حيرة كبيرة من كتر اللعب بالألفاظ، وكلمة واحدة بين السطور يمكن توصلك للحل وتكون زي الشطار.
فوازير رمضان 11 – في الضربات الحرة بيكسر قوانين الفيزيا
حتى لو هو خصمك .. تقدر متحبوش؟
المهاريين إعجابك بيهم صعب متبينوش
ودة الظهير الطائر اللي يقدر يلعب كمهاجم
ولو محطيتش اسمه ضمن الأفضل في التاريخ
هيقولوا عليك مش فاهم
في الضربات الحرة بيكسر قوانين الفيزيا
فكنت كل أسبوع على الشاشة بتستناه
ولو بتلعب فيفا دلوقتي الكارت بتاعه هتتمناه
لعب لأندية كتير
بس نادي منهم مسيرته معاه خلدته مع الأساطير
أما مع المنتخب فكفاية نقول إنه خد أكتر لقب عليه العين
إجابة الفازورة 11 – نجمنا هو روبيرتو كارلوس
البرازيلي روبيرتو كارلوس هو حل فزورة اليوم، ظهير أيسر مهاري من الطراز الرفيع، ظهير طائر يمكنه اللعب كماهجم إذا أراد مدربه، ويعد ضمن أحد أفضل اللاعبين على مر التاريخ.
خالف قوانين الفيزياء في الضربات الحرة، لعب لعدة أندية لكنه هو يعد ضمن أساطير فريق ريال مدريد، وعلى المستوى الدولي حقق لقب كأس العالم مع منتخب البرازيل.
