بعد وصفه بمهاجم متواضع – نجم منتخب مصر يحرج ميدو بسبب عدم مشاركته في أمم إفريقيا 2022
أثار لاعب نادي الزمالك السابق، أحمد حسام “ميدو” جدلًا واسعًا، بعد وصفه لمهاجم منتخب مصر وقونيا سبرو التركي (أحمد حسن كوكا) بأنه لا يتمتع بالمستوى الكافي للعب الدولي مع منتخب مصر.
وكان كارلوس كيروش، مدرب منتخب مصر، قد أعلن عن قائمة منتخب مصر النهائية للمشاركة في بطولة أمم إفريقيا 2022، وشهدت عدم تواجد أحمد حسن كوكا.
ومن جانبه، علق أحمد حسام كوكا، على تغريدة لأحد الصحفيين المصريين عبر موقع “تويتر”، تحدث خلالها عن مسيرة أحمد حسن كوكا الاحترافية المميزة، والتي تجعله يأتي في المرتبة الثالثة بعد محمد النني ومحمد صلاح.
ورد أحمد حسام “ميدو” على تغريدة الصحفي المصري، فقال: ” مهاجم متواضع لا يصلح للمستوى الدولي حتى ولو أحرز 1000 هدف”، (يقصد كوكا).
الأمر الذي استدعى أحمد حسن “كوكا” للتعليق على ما قاله “ميدو” فرد قائلًا: ” مهاجم متواضع؟ أولًا هو أنت أصلًا مين طلب رأيك؟، ثانيًا أنت مبطل كورة وأنت عندك ٢٩ سنة وكل الناس عارفه ليه “.
وتابع كوكا: ” ثالثًا لو رقم الأهداف اللي أنا جايبه شايفه قليل ماجبتوش أنت لية؟ مع أن اللي بيلعب في نادي أكبر فرصه بتكون أكثر في التسجيل “.
وأضاف أيضًا: ” رابعًا حاولت تبقى مدرب ومبتكملش شهر في أي نادي، حامسًا بتحاول تبقى إعلامي وتتكلم عن دا ودا وعشان تبقى تريند بأي شكل أي حاجة عايز تدخل فيها “.
وأكمل كوكا: ” دا حتى صلاح في اول مشواره كنت بتكلم عليه وحش، الحقد عالي أوي عندك من زمان وأنت بتتكلم وحش عني، وأنا عارف أن أكبر غلط أني أرد عليك وأنت فاضي وعندك برنامج تتكلم فيه كل يوم، بس أنا برده مش هيهدني كلامك وهفضل في طريقي “.
وأتم: ” أنا مركز في مستقبلي ومش عايز حاجة من الناس بعد ما أبطل كورة، وبعد لما أموت غير السيرة الحلوة “.
