المدير الإداري لـ بيراميدز يهاجم اتحاد الكرة ورابطة الأندية بعد الخسارة أمام الأهلي
شن أحمد زاهر، المدير الإداري لنادي بيراميدز، هجوما لاذعا ضد اتحاد الكرة المصري ورابطة الأندية المحترفة بعد خسارة فريقه ضد الأهلي، بالأمس.
وخسر فريق بيراميدز أمام الأهلي، بنتيجة هدف دون رد، ضمن منافسات مسابقة الدوري المصري الممتاز، خلال المباراة التي أقيمت على ملعب الدفاع الجوي.
ورفع فريق الأهلي رصيده بعد هذا الفوز لـ 66 نقطة خلف متصدر جدول الدوري الممتاز فريق بيراميدز صاحب الـ 68 نقطة، ولكن يتبقى 3 مباريات مؤجلة لفريق الأهلي.
نهاية المباراة 🔚#بيراميدز | #بيراميدز_الأهلي pic.twitter.com/JL2P59BS7S
— Pyramids FC (@pyramidsfc) July 22, 2024
أول تعليق من بيراميدز بعد خسارة الأهلي
وكتب أحمد زاهر عبر صفحته الشخصية على موقع التواصل الإجتماعي فيسبوك: “والله أبطال إن إحنا بنافس، العب من غير الشيبى ده موقوف حاضر، العب من غير رمضان صبحى وهو فى أعلى فورمه وكان رايح منتخب بحجة منشطات وهمية حاضر”.
وأضاف: “إبراهيم عادل واحد من أحسن اللاعيبة في مصر هيلعب معاك وبعدها يسافر، لا معلش ده مصاب يوم 12ويلعب مع المنتخب 14 سبحان الله مع إن حقى إنه ميروحش خالص، بس برضه حاضر، وأكتر حاجة مضحكانى فى موضوع إبراهيم عادل تصريحات عضو مجلس الجبلاية إن اتفاق لعب إبراهيم عادل اللى هو حقى أصلا وممكن ما يسافرش عادي بقرار مني كان بعلم المنافس طب هو ماله بالموضوع أصلا”.
وتابع: “إعادة شوط سموحة مع إن اللائحة واضحة وبتقول المباراة تحتسب لبيراميدز، بس برضه تاني حاضر، وأول فريق يلعب بعد التوقف الدولى بيومين مع إن عنده نص الفريق مع المنتخبات في مخالفة صريحة للائحة حاضر، وأنت لازم تلعب الساعة 4 وبعدها 5 ونص في عز الحر مع إني بنافس، بس المنافس يلعب عادي بالليل حاضر”.
وأكمل: “معلش أصل حكم مباراة المقاولون المفروض ميحكمش كارت معاهم لوقت اللزوم نطلعه، ظلم واضح من حكام مباراتين الدوري، ويقولك الدورى ذهب لمن يستحق، وناس في الرابطة واتحاد الكرة طلعوا يهاجموا النادي لمجرد إنه بيدور على حقوقه وتقولي منافسة .. إحنا أبطال والله”.
